’n Laslappie van Mieliestronk

ALEXANDER DIE GROTE

BO: Kon Alexander só gelyk het? ’n Kopbeeld van hom is hier digitaal verander om dit meer realisties te laat lyk.     Krediet: MSKARG

LINKS: Alexander die Grote. Ets deur Jacques Reich na die marmerborsbeeld in Rome, 1902.

Krediet: U.S. Library of Congress

ALEXANDER was die seun van Philippus II, die koning van Macedonië. Voordat hy dertig jaar oud was, het hy reeds die meeste van die lande verower wat toe aan die mense in sy wêrelddeel bekend was. Dit is waarom hy Magno genoem is, wat ''groot'' beteken.

Toe Alexander in 336 vC koning word, was Macedonië ’n klein koninkrykie. Alexander het Macedonië verlaat om die Persiese ryk van Darius III te verower. Hy het die stad Alexandrië in Egipte gevestig en is tot farao verklaar. Toe is hy ooswaarts. Hy het Mesopotamië verower en Susa, Persepolis, Ecbatana en Babilon beset. Alexander het selfs tot so ver as die Indusvallei beweeg.

REGS: Alexander se verbranding van Persepolis—’n ou kunstenaarsvoorstelling.

Alexander in ’n neutedop:

• 356 vC: Gebore as seun van Philippus II en Olimpiade.

• 338 vC: Veg by Chaeronea.

• 336 vC: Bestyg troon ná sy pa se dood.

• 335 vC: Onderdruk rebellies, verwoes die stad Thebe.

• 334 vC: Oorwin Darius III.

• 333 vC: Oorwin die Perse in Issus.

• 331 vC: Oorwin Darius en beset Babilon en Susa.

• 327 vC: Bereik die Indusvallei.

• 326 vC: Verhinder die leër van koning Porus.

• 323 vC: Sterf aan  koors op ’n jeugdige 33.

Daar is vertel dat wie ook al ’n sekere knoop (die sogenaamde Gordiaanse knoop) sou kon losmaak, oor die hele Asië sou regeer. Alexander sou dit met sy swaard deurgekap het.

Alexander se leërs het digby 20 000 km afgelê. Die Griekse taal en beskawing het afgeleë bevolkings bereik en met die Oosterse kultuur vermeng.

Klik hier om terug te keer na die Laslappie-bladwyser

Klik hier om terug te keer na die inhoudsblad