|
Die ideale geskenk vir jou geliefde oupa en ouma
— in ’n tehuis vir senior burgers of waar ook al —
en vir alle groot blokraai-entoesiaste wat hulle so moet
inspan om klein gedrukte skrif te lees! |
 Mieliestronk
se nuwe
Blokraaiboek in Groot Druk!
Volmaak vir daardie moeë oë wat geen minuut
langer met vergrootglase wil sukkel nie!
IELIESTRONK.COM is tans besig om ’n nuwe boek vol blokraaisels voor
te berei—weer ’n werklike gedrukte boek dié keer, nie nog ’n CD-ROM
nie—wat spesiaal in groot druk sal verskyn.
Dit is bedoel vir almal
wat soveel probleme het om daardie kleinerige lettertjies van die
leidrade in die meeste blokraaisels te ontsyfer.
Ons navorsing dui daarop dat byvoorbeeld tehuise vir senior burgers
só ’n boek met ope arms sal verwelkom, aangesien dit—ondanks die
verswakkende oë—so uiters belangrik is om die breinselle in die goue
jare te oefen.
Ten einde ’n spesifieke oplaag vir die boek te bepaal, het
Mieliestronk.com die hulp van belangstellendes soos jy baie nodig.
Let wel, dit is nog
geen
bestelling nie en jy is ook onder
geen
verpligting om die blokraaiboek later te koop wanneer dit verskyn
nie, maar indien jy reken dat jy dan in koop belang sou stel,
doen
asseblief die volgende:
|
•
As jy BESLIS
belang sou stel in só ’n boek, stuur vir ons ’n e-pos
deur
hier te klik. Tik net BESLIS in die onderwerplyn (as
dit nie reeds daar staan nie) en stuur. Dit is al.
•
Indien jy
BAIE MOONTLIK in die blokraaiboek belang sou stel,
klik hier om jou e-pos te stuur. Tik slegs BAIE
MOONTLIK in die onderwerplyn (indien dit nie reeds daar
staan nie) en stuur. Jy hoef niks meer te doen nie.
•
As jy MISKIEN
sou belang stel,
klik hier en stuur die e-pos. Tik net MISKIEN in die
onderwerplyn (as dit nie reeds daar staan nie) en stuur.
Dit is al wat jy hoef te doen. |
Sodra die boek ietwat later in die jaar verskyn, sal ons jou dan per kerende
e-pos laat weet
presies hoe dit bestel kan word, as jy nog sou wou.
Daar
sal dan ’n nuttige afslag wees vir elkeen wat op hierdie vroeë opname
gereageer het.
Ons bereken die oplaag van die boek volgens die getal e-posse in
verhouding tot Mieliestronk se besoekerstal in die tydperk ons
opname.
En
duisend dankies vir jou samewerking!
 REGS:
Die voorblad van ’n vorige blokraaibloek wat G. en A. Olwagen
van Mieliestronk.com ’n tydjie gelede vir Leserskring saamgestel
het. Die nuwe boek is egter nie deur hulle nie, maar deur ’n
ander samesteller, een van die beroemdste blokraai-opstellers in
die land en ’n veteraan wat al tientalle jare met blokraaisels
besig is.
|