Laslappie

 

DIESEL, RUDOLF:

Uitvinder van die dieselenjin

 

Rudolf DieselLINKS: Rudolf Diesel (1858-1913).

 

RUDOLF Christian Karl Diesel was die Duitse meganiese ingenieur wat die dieselenjin uitgevind het. Hy is nagenoeg n eeu en n half gelede in Parys gebore en het sy opleiding in Engeland en aan die Politegniese Skool in Mnchen, Duitsland, ontvang.

 

Terwyl hy in Parys in beheer van n verkoelingsinstallasie was, het Diesel in binnebrandmasjiene belang begin stel. In 1893 het hy sy idees oor die onderwerp in Die Teorie en Konstruksie van n Rasionale Hitte-motor beskryf.

 

Diesel se eerste enjin het opgeblaas en dit het byna die uitvinder se dood beteken.  N baie mislukkings het hy in 1897 n werkende model ontwerp. Diesel het die Verenigde State in 1912 besoek en mense daar vertel van sy enjin en sy baie moontlikhede in die skeepvaart en nywerheidswese.

 

Hoewel sy uitvindsel hom ryk moes gemaak het, het gedinge oor patentregte en, na bewering, gewetenlose sakelui die grootste gedeelte van Diesel se rykdom weggemelk. Hy het aan sy einde gekom toe hy op n geheimsinnige wyse oorboord geval het terwyl hy besig was om die Engelse Kanaal op n stoomboot oor te steek.

 

Diesel se dieselenjin is n binnebrandmasjien waarin die brandstof ontsteek word deur hitte wat van saamgeperste lug verkry word. Dit is soortgelyk aan die petrolenjin in sy konstruksie en werking, maar het geen vergasser ("carburetor") of vonkproppe nie en gebruik sogenaamde "diesel" as brandstof. Dieselbrandstof is n vloeistof wat hoofsaaklik saamgestel is uit koolwaterstowwe afkomstig van petroleum.

 

Ou dieselenjinREGS: n Dieselenjin wat in 1906 deur die Duitse masjienfabriek MAN AG gebou is.

 

Foto op 16 Julie 2005 geneem in die Franziskanermuseum in Villingen-Schwenningen, Duitsland, en deur die fotograaf, Flominator, beskikbaar gestel ingevolge die GNU Free Documentation License, waarvan die volledige besonderhede verstrek word in die Wikipedia-ensiklopedie. Flominator se tuisblad (in Duits) kan bereik word by hierdie skakel.

 

Dieselenjins kan gebruik word om sulke toestelle soos kragopwekkers en pompe aan te dryf, asook treine se lokomotiewe, vragmotors, busse, trekkers en selfs skepe en duikbote. In die meeste van die voertuie word dieselenjins soos petrolenjins aangewendom die wiele of skroef ("propeller") te laat draai. In lokomotiewe sit dieselenjins egter kragopwekkers aan die werk. Elektrisiteit van hierdie generators gaan na elektriese motore wat die wiele laat draai.

 

Die grootste dieselenjins is so kragtig soos groot stoomenjins en sekere stoomturbines. Skepe ter see word deur diesels aangedryf wat baie duisende perdekrag opwek.

Klik hier om terug te keer na die Laslappie-bladwyser

Klik hier om terug te keer na die inhoudsblad