Jammer, jou blaaier hanteer nie Java nie of daardie funksie is op die oomblik afgeskakel.

 Mieliestronk-animasie!  (Benodig Java in jou rekenaar) 

 8 km vanuit die lug -- Titan met sy wasige atmosfeer waar dit vloeibare metaan reën

 BELANGRIK: Kyk na animasie deur ’n tree of drie van jou rekenaar af weg te staan 
STAAN ’n entjie van jou rekenaar af weg—en kyk hoe die landskap van hierdie maan van Saturnus voor jou ontvou. Dit is saamgestel uit ’n reeks foto's wat in Januarie 2005 deur die snuffeltuig Huygens geneem is... op ’n duiselingwekkende afstand sowat nege keer verder van die son af as wat die aarde van die son af is. Maar ondanks die honderde miljoene kilometers is die foto's nog verstommend helder. Titan is die enigste maan in die sonnestelsel met ’n noemenswaardige atmosfeer. Lyk dit nie op ’n vreemde manier baie soos, sê maar, die Karoo soos van bo af uit ’n vliegtuig gesien nie?

Inderdaad. Dog die wetenskaplikes sê in hierdie wasige, vrieskoue wêreld reën dit nie waterdruppels nie, maar druppels van vloeibare metaan (wat op die veel warmer aarde slegs as ’n gas bestaan). Die metaan voed riviere, mere, strome en fonteine op Titan se oppervlak. Die metaan moet blykbaar iewers van binne die maan af kom en word gedurig aangevul—anders sou Titan met sy mindere aantrekkingskrag nie sy atmosfeer kon behou het nie.

Klik hier vir artikel oor Titan

MAAR hoe het ons gedink kan dit op die maan Titan lyk voordat die Huygens vir ons gewys het? By Mieliestronk is die verbeelding in die aanloop tot die landing die vrye teuels gegee en die fantasiebeeld hieronder opgetower. Dit wys net hoe ver ’n mens se verwagtinge en die werklikheid dikwels kan verskil!

Ons verbeeldingsvlug voordat die Huygens ons ontnugter het:

Jammer, jou blaaier hanteer nie Java nie of daardie funksie is op die oomblik afgeskakel.

 

Klik hier om terug te keer na die inhoudsblad