KLIK BO IN DIE GEWEL OP DIE ROOI X AS JY VERKIES OM NIE DIE AGTERGRONDMUSIEK TE HOOR NIE

 

'n Ster-
aanbieding

Ons Wonderlike Ruimte

Bestel nou ons splinternuwe CD-ROM met die mooiste, mooiste foto’s en ’n menigte bladsye vol inligting oor die eerste 50 jaar van die ruimte-eeu

’n Uitmuntende hulp vir skoolprojekte, maar ook
’n kyk-sensasie vir elkeen wat in
die ruimte belang stel!

Jou inleiding tot die sterrekunde—’n prag-CD teen ’n verstommend lae R99-95
(posgeld, hantering en alles ingesluit)

 IIlustrasie hierby: David A. Hardy / NASA Space Art (detail)
 

 

MIELIESTRONK.COM se gewilde webwerf vir skoolprojekte bied jou nou ’n splinternuwe ster-produk, nie net in die letterlike nie, maar ook in die mees klassieke sin van die woord. Vir leer­ders beteken dit om te leer met volstrekte kykgenot, vir ander gebruikers is dit ’n ewe onvergeetlike ondervinding.

Kom saam na die ruimte. Na die statige rondomtalies van die planete en die ont­saglike malings van die galaksies. Reis verby komete en asteroïdes en glimmende gaswolke tot by die blikkerende sonne van die heelal. Of vaar selfs regdeur die ein­delose speke van wielvormige sterrestelsels tot in die gitswart putte van gravitasie­kolke.

Trouens, die reis is net so lank en breed en diep en hoog as wat ons alvermoënde Hemelse Vader ons verbeelding sou toelaat om te dwaal. Maar nou sien ons ook soveel meer van Sy stoflike skepping wat voorheen vir ons verborge was. Nuwe teleskope en astronomiese ontdek­kings maak dit vandag vir ons moontlik. Dis ’n reis na die ongelooflike.

Kom dus saam en wees grootliks verwonderd—want dit is waarheen hierdie CD-ROM jou uitnooi!

DIT is inderdaad nie sonder regmatige trots dat Mieliestronk.com hier kan aankondig dat die CD ná maande se voorbereiding en grondige navorsing voltooi is nie. Dit is nie net propvol foto’s in ekstra-groot formaat nie—’n ongelooflike verskeidenheid—maar bevat die nuutste inligting oor ruimteverkenning tot aan die einde van 2007.

•  Die verskillende planete, die komete, mane, asteroïdes en meteore... die sterre,  galaksies, gravitasiekolke (swart gate), pulsars, kwasars en donker materie ... dit alles en veel meer word skouspelagtig behandel, saam met die kleurryke geskiedenis van ruimteverkenning.

•   Daar is die spannende ruimtewedloop destyds tussen Amerika en die Sowjet-Unie, die epogmakende maanlandings, die verbeeldingryke onbemande ruimte­sendings na die planete en ander liggame in die sonnestelsel, die Internasionale Ruimtestasie ... noem maar op. Soos iemand gesê het: “Werklik, ’n mens moet hierdie CD sien om dit na behore te waardeer! Dis nogmaals ’n besondere, nee, meer nog, ’n unieke digitale produk in Afrikaans.”

Die CD-ROM word nou deur Mieliestronk.com aangebied teen ’n baie bekostigbare R99-95 per eksemplaar (posgeld, verpakking en alles ingesluit).

Die CD is ook ’n ideale verjaardaggeskenk vir elke entoesiastiese skolier of, soos ons gesê het, enigiemand anders wat in die ruimte of enige van die wetenskappe belang stel.

Klik op die groot skakel hieronder en bestel nou. ’n Groot toeloop van kopers word noodwendig verwag.

Let asseblief op: Vanweë die besonder GROOT foto’s op die CD-ROM word ten minste Windows XP en ’n Pentium D aanbeveel. Dit is ook verkieslik dat die gebruiker die hele inhoud van die CD op sy of haar rekenaar se hardeskyf sal aflaai en dus voortaan van daar af sal werk eerder as van die CD self. Maar dan belowe ons jou werklik ’n belewenis.