|
Exaamin-vlaaters
|
|
OU
Egipteland was bewoon deur mummies en hulle het almal in hierdie griewe
geskryf. Hulle het in die Sarah-woestyn gewoon. Die klimaat was só erg
dat al die inwoners op ander plekke moes bly. • Die sprinkane was die vernaamste plaag, hulle het die eersgeborenes geëet. • Moses het die Hebreeuse slawe na die Rooi See gelei waar hulle ongesuurde brode gebak het, dit is brood wat sonder enige bestanddele gemaak is. Moses het die berg Sianied uitgeklim om die tien gebooie te kry. • Die Israeliete het ’n goue kalf gemaak omdat hulle nie genoeg goud gehad het om ’n bees te maak nie. • Die Filistyne is eilande in die Stille Oseaan. •
Salomo het driehonderd
vroue en sewehonderd byekorwe gehad. • Die Grieke was ’n hoogs gekulde veervolk en sonder hulle sou ons nie ’n geskiedenis gehad het nie. •
Sokrates was ’n
beroemde Griekse wydsheid wat rondgeloop en mense raad gegee het. Hy is
dood aan ’n oordosis willekeur. Ná sy dood het sy loopbaan dramaties
agteruitgegaan. •
In die ou Olimpiese Spele
het die Grieke kaal resies gehardloop en disnis gegooi. • Jeanne d’Arc het van ’n stapel brandwonde gesterf. Sy was Noag se suster. • Koning Elizabeth was die "Maagdekoningin". As ’n koningin was sy ’n sukses. Sy het haar haar volk se probleme aangetrek en wanneer sy haar so aangetrek het voor haar soldate, het hulle almal geskree: "Hoera!" • Eduard III kon die koning van Frankryk geword het as sy ma ’n man was. •
Om ’n goeie verpleegster te wees
moet jy absoluut steriel wees. •
Dit was ’n tydperk van
groot uitvindsels en ontdekkings. Gutenberg het die wynpers en die Bybel
uitgevind. Nog ’n belangrike uitvindsel was die bloedsomloop. Peter
Stuyvesant is ’n geskiedkundige figuur, want hy het sigarette
uitgevind en begin rook. •
Die grootste skrywer van
die Renaissance was William Shakespeare. Hy is in die jaar 1564 gebore
en party mense dink dit was op sy verjaardag. Hy het nooit geld gemaak
nie, en is net beroemd oor die toneelstukke wat hy geskryf het. Hy het
tragedies, komedies en historektomieë geskryf. Romeo and Juliet is een
voorbeeld. •
Beethoven het musiek
geskryf al was hy doof. Hy was só doof dat hy harde musiek geskryf het.
Hy het ver in die woude gaan loop selfs al het almal na hom geroep.
Beethoven het in 1827 opgehou bestaan en dis hoekom hy later dood is. • Die negentiende eeu was ’n tyd van baie uitvindsels. Mense het opgehou om met die hand te reproduseer en met masjiene begin reproduseer. Die uitvinding van die stoomboot het ’n netwerk van riviere laat ontstaan. Louis Pasteur het ’n manier uitgevind om dol honde gesond te maak. Charles Darwin was ’n natuurkundige wat die Organ of the Species geskryf het. • Poësie is wanneer elke lyn met ’n hoofletter begin en nie by die regterkant van die bladsy uitkom nie. • Die Nederlanders gebruik waterkrag om hul windmeulens aan te dryf. • Die koekoek is ’n voël wat nie sy eie eiers lê nie. • Parallelle lyne ontmoet mekaar nooit nie, tensy jy een of altwee van hulle buig. • ’n Sirkel is ’n lyn wat sy ander end ontmoet sonder om te end. • Die maan is ’n planeet net soos die aarde, maar dis selfs nog meer dood. • Vegatiewe voortplanting is ’n proses waarin een individu per ongeluk ’n ander individu vervaardig. • Bloed vloei in die een been af en in die ander been op. • ’n
Mens behoort een keer in die somer te bad en nie heeltemal so dikwels in
die winter nie. •
Raad
vir neusbloeding: plaas die neus baie laer as die liggaam. • ’n Sensusopnemer is iemand wat van huis tot huis gaan om die bevolking te vergroot. • As jy ’n reuklose gas ruik, is dit waarskynlik koolstofmonoksied. • Die verskil tussen lug en water is dat ’n mens lug natter kan maak maar water nie. •
Die grootste soogdiere
word in die see gevind omdat ’n mens hulle nêrens anders kan neersit
nie. |