Hier kan jy sommer ekstra lekker
saamsing met Mieliestronk -- danksy Su Lucas wat sekere van ons
saamsing-Midi's in Karaoke-items omgeskakel het.
As jou blaaier
("browser") die vermoë het om Karaoke te speel, klik eenvoudig
op die skakels links en sing lustig saam!
Klik dan net op die
<--
"BACK"-pyltjie bo in jou gewel om weer hierheen terug te keer.
Of as jy internet-toegang
het, kry vir jou 'n gratis Karaoke-speler (indien jy nog nie een het nie) en
maak "kortpaadjies" hierheen in 'n spesiale bêrekoevert op jou
rekenaar! (Ondertoe vertel ons jou hoe.)
MIELIESTRONK se Lekker Ou
Saamsing-werf is 'n bekroonde "musieklikheid" wat
ook gereeld op die internet besoek word deur talle
Afrikaanssprekende webswewers wat lushet vir 'n bietjie stuitigheid. Daar
is Midi-items met Afrikaanse woorde vir elkeen wat wil meedoen.
Gereelde saamsinger Su Lucas het 'n
stappie verder gegaan en 'n aantal van daardie sangnommers in
Karaoke-items omgeskakel.
As jou nog nie 'n Karaoke-speler het nie
(buiten straks die een in jou blaaier),
maar wil meedoen aan die pret, kan jy vir jou een gratis gaan aflaai by
die webwerf van vanBasco.com -- mits jy natuurlik
internet-toegang het!
In dieselfde bêrekoevert ("folder") waarin
jy jou kortpad-ikoontjie vir VanBasco's gaan huisves, kan jy nou soveel
van Su se Karaoke-items gaan bêre as wat jy wil.
Minimiseer bloot hierdie venster wat jy
nou voor jou oophet. Klik met ander woorde op die blokkie
[] tussen die
- en die
x heel regs bo in jou gewel. Ten minste 'n stuk van jou
"desktop" moet nou uitsteek. Klik nou op een van die skakels,
sê maar op Hoenderhok, en sleep
("drag") dit na jou "desktop". Jou rekenaar sal
bes moontlik reageer met iets soos: "Do you want to move or copy
files from this zone?" Klik "Yes". Daar verskyn nou 'n
kortpaadjie op jou "desktop" van Hoenderhok
af na hierdie CD-Rom-bladsy. Verskuif
vervolgens soveel van hierdie kortpad-ikone as wat jy geskep het van jou
"desktop" af na die bêrekoevert waarin jy reeds VanBasco's
s'n gebêre het. Klik op Hoenderhok
se kortpad-ikoontjie (of enige van die ander).
Daar's hy -- laat waai, Meraai, en kom sing,
ou ding!
|